اللغط الداير على قيم عقود اللاعبين، حاقول ايه اللى بيحصل فى نادي الزمالك بحكم انى كنت مسئولا لفترات طويلة بالنادي وليه الزمالك  مديونياته او غراماته كبيرة جدا على مستوى كل الالعاب.

لان عقود الزمالك تفوق القيم الحقيقية. بعني اتفق مع اللاعب مثلا على 10 مليون واللاعب يشترط انه ياخد المبلغ ده صافى وليس له دعوة بالضرايب والرسوم . طيب مين اللى حيدفع الضرايب والرسوم ؟!. قانونا اللى بيدفع الضرايب المستفيد اى ( اللاعب ) وهو عاوز ياخد المبلغ صافى وماينفعش يكتب بالعقد كلمة صافي 

يعنى بعد خصم الضرايب والرسوم اللى بتوصل من 27 الي 30 ‎%‎ اللاعب المفروص باخد 7 مليون مش 10 مليون يرفض اللاعب ويقول ان متفق على 10 مش 7 .

يضطر النادي ان يكون المبلغ 13 مليون وشوية وليس 10 ويكتب بالعقد ويقوم النادي بسداد الفرق . وفى حقيقة الامر النادي دفع الرسوم والضرايب على ال 13 مليون وليس ال 10 كمان . هى مشكلة طبعا وليس لها حل نتيجة الوضوح والشفافية. قيس على ذلك  القيم الحالية والخزعبلية المبالغ فيها ولا احد يستحقها .المصيبة تصل لايه؟! لخطر الافلاس او العجز المستمر الذي يهدد بالتالي الوجود.

لذلك عند شكوى اللاعبين ستجد الغرامات والضرايب مبالغ عالية جدا . مفيش عقد بنادي الزمالك اقل من القيمة المتفق عليها طوال عملى بالنادي بل اكثر منه.